Паводле геолагаў, здабыча газу ў ваколіцах сталіцы можа быць прыбытковай.
Варшава знаходзіцца на радовішчах сланцавага газу. Энергетычныя канцэрны змагаюцца за права здабываць паліва ўсё бліжэй да межаў польскай сталіцы, піша «Gazeta Wyborcza».
Кампанія Orlen плануе тэставыя свідраванні каля Валаміна ў некалькіх кіламетрах ад Варшавы. Канцэсія амерыканскай фірмы FX Energy сягае ажно сталічнага раёну Жалібаж.
Паводле геолагаў, сталіца Польшчы знаходзіцца ў межах так званай зоны «Плоцк — Варшава», якая адносіцца да перспектыўных рэгіёнаў, дзе здабыча газу можа быць прыбытковай.
Паводле Дзяржаўнага геалагічнага інстытута, радовішчы сланцавага газу ў Польшчы цягнуцца ад ўзбярэжжа Балтыйскага мора ў ваколіцах Гданьска праз Варшаву ажно да Любліна. У іх можа знаходіцца ад 360 да 760 млрд. кубаметраў газу. Пры цяперашнім спажыванні Польшчы спатрэбілася б 65 год, каб выкарыстаць такую колькасьць паліва.
Цяпер чытаюць
26‑гадовага супрацоўніка элітнага падраздзялення мытні асудзілі на 16 гадоў па наборы палітартыкулаў. Сярод іх і «здрада дзяржаве»2
Каментары