Райвыканкам: Жыхары Смалявіцкага раёна падтрымалі будаўніцтва кітайскага індустрыяльнага парка
Жыхары Смалявіцкага раёна падтрымалі будаўніцтваКітайска-беларускага індустрыяльнага парка, гаворыцца ў пратаколе Смалявіцкага райвыканкама, апублікаваным па выніках абмеркаванняў генеральнага плана парка.
У пратаколе паведамляецца, што падчас абмеркавання, якое прайшло з 2 па 16 красавіка, у журнале было пакінута 68 запісаў, якія прадстаўлялі інтарэс 553 грамадзян. 17 красавіка ў пісьмовым выглядзе паступіла яшчэ 14 зваротаў, якія прадстаўляюць інтарэсы 658 грамадзян. У выніку за будаўніцтва індустрыяльнага парка выказаліся 702 чалавекі, супраць — 509.
У пратаколе таксама зазначаецца, што большасць праціўнікаў будаўніцтва парка — жыхары Мінска і іншых гарадоў Беларусі (Жыткавічы, Навагрудак, Баранавічы, Глыбокае).«Жыхары горада Смалявічы і Смалявіцкага раёна ў большасці выказваюць станоўчую думку аб будаўніцтве
Нагадаем, што з 4 красавіка па 4 мая праводзілася таксама грамадская экалагічная экспертыза праекта, ініцыятарамі якой выступілі экалагічнае таварыства «Зялёная сетка» і грамадскае аб’яднанне «Экадом». Эксперты прыйшлі да высновы, што для размяшчэння індустрыяльнага парка неабходна разгледзець альтэрнатыўную тэрыторыю.
На іх думку, шэраг згаданых у праекце мерапрыемстваў «несумяшчальны з паняццем «ахова навакольнага асяроддзя» — напрыклад, «біялагічную і ландшафтную разнастайнасць прапаноўваюць захаваць за кошт высечкі 2.755,9 га лясных масіваў першай катэгорыі і фарміравання прыроднага каркаса з новых пасадак».
Сярод недахопаў праекта эксперты таксама выдзелілі шумавое забруджанне, адсутнасць у плане інфармацыі па забеспячэнні радыяцыйнай бяспекі насельніцтва ад крыніцаў іанізаванага выпраменьвання і інш.
Цяпер чытаюць
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ31
Каментары