Expressen: Кіраўнік МЗС Швецыі не трапіў у Расію праз забыты пашпарт
Кіраўніка Міністэрства замежных справаў Швецыі Карла Більта не пусцілі ў Расію, бо пры ім не аказалася пашпарта. Як піша Expressen, дыпламат забыў дакументы дома ў Стакгольме.
Більт удзельнічаў у сустрэчы кіраўнікоў урадаў Баранцава-Еўраарктычнага рэгіёна, якая праходзіла ў Кіркенэсе (Нарвегія). Міністр вырашыў скарыстацца магчымасцю і наведаць царкву ў расійскім Барысаглебску. Як адзначае выданне, у храма цікавая гісторыя, і ён меў важнае значэнне падчас усталявання межаў Расіі і Швецыі ў 1826 годзе.
Аднак пры перасячэнні нарвежска-расійскай мяжы Більта спынілі пагранічнікі. Пашпарта ў міністра не аказалася, таму кіраўнік замежнапалітычнага ведамства быў вымушаны вярнуцца ў Кіркенэс.
«Гэта даказвае, як важна добра рыхтавацца да паездак і заўсёды браць з сабой пашпарт, пра што мы звычайна ў МЗС і гаворым», — заявіў з нагоды таго, што здарылася, прэс-сакратар дыпламата Эрык Зсіга.
Каментары