Суд прыпыніў рашэнне аб высяленні «Новага жыцця», стан пастара Ганчарэнкі адносна стабілізаваўся
Гаспадарчы суд Мінска 14 чэрвеня прыпыніў сваю пастанову аб распачынанні выканаўчага судаводства ў дачыненні да рэлігійнай абшчыны хрысціян поўнага Евангелля «Царква «Новае жыццё», згодна з якой суполцы прапанавалася да 20 чэрвеня вызваліць будынак па вуліцы Кавалёва, 72, у Мінску,паведаміў юрыст «Новага жыцця» Сяргей Луканін.
Паводле яго слоў, раніцай 14 чэрвеня яму патэлефанавалі з гаспадарчага суда Мінска і прапанавалі пасля абеду забраць пастанову аб прыпыненні судовага рашэння. «Такім чынам, суд чарговым разам адмовіўся ад намеру забраць наш будынак», — адзначыў Луканін.
У той жа час адносна стабілізаваўся стан здароўя пастара царквы Вячаслава Ганчарэнкі, шпіталізаванага 13 чэрвеня яшчэ да атрымання пастановы суда.Працэдура
«Цяпер мы атрымалі інфармацыю, што ў нашага пастара поўнасцю аднавіліся зрокавыя функцыі і стала зразумелым маўленне. Ён можа самастойна перамяшчацца па палаце, хаця і застаецца ў рэанімацыі. Найбліжэйшым часам яму патрэбны поўны спакой», — расказаў Луканін.
Медыкі плануюць выдаліць тромб хімічным шляхам — спецыяльнымі прэпаратамі.
Нагадаем, 13 чэрвеня Луканін атрымаў судовую пастанову аб распачынанні выканаўчага судаводства ў дачыненні да царквы, якая была прынята на падставе заявы ўласніка будынка — ЖРЭА Маскоўскага раёна Мінска. Пастанова прадпісвала абшчыне вызваліць будынак на працягу тыдня.
Прыхаджане адмовіліся пакідаць будынак і пачалі кругласутачнае дзяжурства і штодзённую малітву за здароўе пастара Ганчарэнкі і захаванне будынка.
Выселіць «Новае жыццё» з будынка, які быў узведзены прыхаджанамі на іх сродкі на месцы разбуранага кароўніка 21 год таму, гарвыканкам спрабуе ўжо восем гадоў.
Цяпер чытаюць
Вялікая гутарка з Лесяй Руднік пра сэксізм, мужа-рэслера, заробак доктаркі навук у Швецыі, апазіцыю і памылку Еўрасаюза25
Каментары