Беларускія медсёстры, што загінулі пад Геленджыком, былі сектанткамі
Завершана расследаванне па факце знікнення беларусак у кастрыніку 2012 года.
«Аналіз атрыманай падчас следства інфармацыі паказаў, што зніклыя вялі надта адасоблены лад жыцця і апошнія некалькі гадоў сістэматычна адпачывалі ў г. Анапа Расійскай Федэрацыі. Гэта было абумоўлена тым, што расшукваемыя з’яўляліся паслядоўніцамі “руху Анастасіі”»,
— паведаміла прадстаўнік Следчага камітэта Беларусі Юлія Ганчарова.
Беларускія медсёстры з 4-й гарадской клінічнай бальніцы Мінска Аліна і Ганна адправіліся ў Расію летась 13 кастрычніка. З Мінска выехалі на цягніку да Анапы: у іх быў адпачынак. Пасля гэтага іх не бачылі.
Іх целы знайшлі сёлета 2 мая ў лесе каля расійскага Геленджыка ў палатцы. Па словах следчых, яны замерзлі яшчэ ў сакавіку.
У канцы сакавіка, між іншым, абедзьве павінны былі адсвяткаваць дні нараджэння. Аліне спаўнялася 31 год, Ганне — 32.
Вакол сяла Вазраждзенія (за 1,5 км ад яго і знайшлі целы беларусак) знаходзіцца шмат дальменаў, да якіх прыязджаюць турысты, часам з палаткамі. Многія вераць, што гэта не проста камяні. З таго часу, як Уладзімір Мегрэ ў сваіх кнігах апісаў дальмены каля Вазраждзенія, туды круглы год прыязджае шмат людзей. Нехта «з ляснымі духамі пагаварыць», хтосьці проста моліцца ў чаканні «прасвятлення» альбо «выздараўлення».
Дальмены — помнікі архітэктуры каменнага веку. Магчыма, тут хавалі племянных правадыроў і шаманаў. Некаторыя спадзяюцца, што дальмены дадуць багацце, здароўе, шчасце ў каханні, прасвятленне....
Гэта культавыя камяні для «анастасійцаў» — адной з новых расійскіх сектаў. Яе адэпты прадаюць гарадскія кватэры і ствараюць «родавыя маёнткі» ў розных месцах, каб з’яднацца з зямлёй. Вучоныя ж называюць іх таталітарнай сектай.
На мінскай кватэры беларусак, дарэчы, знайшлі кнігі Мегрэ.
Выглядае, што яны сапраўды прыехалі, каб далучыцца да сектантаў.
«Анастасійцы», між іншым, спавядаюць знаёмствы аднадумцаў і стварэнне сем’яў між імі. Так званыя «Злёты адзінокіх сэрцаў» праходзяць у розных месцах Расіі.
Жонка Галыгіна адсвяткавала пад Мінскам дзень нараджэння ў рускім стылі — у какошніку і з тортам-матрошкай ШМАТ ФОТА11
Каментары