Савет міністраў Беларусі ва ўстаноўленым парадку рыхтуе ўнясенне ў парламент законапраекта «Аб альтэрнатыўнай службе».
Пра гэта паведаміла міністр працы і сацабароны Мар`яна Шчоткіна 30 кастрычніка падчас прамой тэлефоннай лініі і анлайн-прыёму на сайце ведамства.
Паводле слоў Шчоткінай, праца над законапраектам «ажыццяўлялася ў адпаведнасці з планам падрыхтоўкі законапраектаў на 2013 год». Дакумент распрацоўваўся рабочай групай, у склад якой увайшлі прадстаўнікі зацікаўленых дзяржаўных органаў, і пры яго падрыхтоўцы быў «вывучаны вопыт заканадаўчага рэгулявання альтэрнатыўнай службы ў краінах СНД і далёкага замежжа».
«Асноўным падыходам, закладзеным у законапраекце, з`яўляецца тое, што альтэрнатыўная служба — гэта асаблівы від службы (грамадска-карысная дзейнасць)», — сказала яна.
Пры гэтым міністр не раскрыла дэталяў зместу дакумента.
Нагадаем, у ліпені гэтага года Цэнтр прававой трансфармацыі (Lawtrend) накіраваў зварот у Палату прадстаўнікоў Нацыянальнага сходу Беларусі з патрабаваннем «зняць грыф сакрэтнасці» з законапраекта «Аб альтэрнатыўнай службе». Паводле звестак Lawtrend, законапраект знаходзіцца пад грыфам «Для службовага карыстання» і недаступны для грамадскага абмеркавання. Парламентарыі адказалі праваабаронцам, што не выключаюць магчымасці дадатковага абмеркавання іх прапаноў.
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам30
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2424
Каментары