ЕК выдзеліць 200 стыпендый беларускім студэнтам для навучання ў Еўропе
Еўрапейская камісія ў супрацоўніцтве з Радай міністраў Паўночных краін выдзеліць 200 стыпендый грамадзянам Беларусі на навучанне ў еўрапейскіх універсітэтах у межах «Еўрапейскай стыпендыяльнай праграмы для маладых беларусаў» (ESSB).
Як паведамляе сайт ESSB, мэта стыпендыяльнай праграмы — «умацаваць падмурак будучага дэмакратычнага развіцця беларускага грамадства, даючы пакаленню маладых беларусаў доступ да вышэйшай адукацыі без ідэалагічнага складніка, у адпаведнасці з акадэмічнымі стандартамі міжнароднага ўзроўню».
Мяркуецца, што стыпендыяты праграмы пасля яе заканчэння будуць вяртацца ў Беларусь і стануць актыўнымі грамадзянамі, лідарамі, якія змогуць спрыяць мадэрнізацыі краіны.
ESSB выдзеліць мінімум 200 стыпендый на атрыманне ступені бакалаўра ці магістра ва ўніверсітэтах па ўсёй Еўропе. Праграма стыпендый адкрытая для ўсіх маладых беларусаў, якія маюць належную матывацыю для працягу сваёй даследчай дзейнасці, адпавядаюць акадэмічным, лінгвістычным і асабістым патрабаванням.
Патэнцыяльныя кандыдаты могуць падаць заяўкі з 15 лістапада па 6 снежня 2013 года на сайце www.essyb.eu, дзе таксама можна даведацца пра дадатковыя дэталі праграмы.
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў9
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»1919
Каментары