Каталіцкі Касцёл Літвы ў пятніцу заявіў аб падтрымцы дэмакратычных памкненняў пратэстуючых грамадзян Украіны і заклікаў вернікаў — жыхароў Літвы маліцца за ўкраінцаў.
У прэс-рэлізе Канфедэрацыі біскупаў Літвы гаворыцца, што «людзі Украіны смела ўздымаюць свой голас і просяць быць пачутымі».
«Біскупы Літвы ў малітве салідарызуюцца з жаданнем грамадзян Украіны жыць у свабоднай і незалежнай і дэмакратычнай Украінскай дзяржаве, кіруючыся еўрапейскімі хрысціянскімі прынцыпамі», — адзначаюць прадстаўнікі духавенства.
«Мы падтрымліваем грамадзян Украіны ў іх імкненні да свабоды, і заклікаем усіх вернікаў Літвы аб'яднацца ў малітве, салідарызуючыся з народам Украіны», — гаворыцца ў паведамленні для друку.
Цяпер чытаюць
Беларуская і расійская арміі на беларускай тэрыторыі трэніруюцца наносіць ядзерны ўдар16
Каментары