У бліжэйшыя суткі, 11 студзеня, атмасферныя франты атлантычнага цыклону працягнуць пасоўвацца на ўсход, следам за імі пачне распаўсюджвацца вільготнае няўстойлівае паветра з Балтыкі.
Чакаецца воблачнае з праясненнямі надвор'е. На большай частцы тэрыторыі краіны — кароткачасовыя ападкі (дождж, мокры снег). Ноччу і раніцай месцамі на дарогах галалёдзіца. Вецер заходні парывісты, уначы і раніцы ў многіх раёнах, а днём па ўсходзе моцны парывісты.
Тэмпература паветра гэтай ноччу складзе -2.. +3°С, у суботу днём яна будзе вагацца ад 0°C да 5°C цяпла.
Атмасферны ціск будзе інтэнсіўна расці.
12 студзеня, у нядзелю, з поўдня Скандынавіі на поўнач Беларусі перамесціцца цыклон. Час ад часу будзе ісці снег, мокры снег. Месцамі чакаецца завіруха, наліпанне мокрага снегу, на дарогах будзе слізка. Раніцай і днём па паўднёва-заходняй палове краіны моцны парывісты вецер.
Тэмпература паветра на працягу сутак -2.. +3°C, у другой палове дня па паўночнай палове краіны тэмпературны фон панізіцца да 3—6 градусаў марозу.
У панядзелак, 13 студзеня на тэрыторыю нашай краіны з поўначы Еўропы пачнуць паступаць паветраныя масы арктычнага паходжання. У многіх раёнах — кароткачасовы снег. Месцамі завіруха. На дарогах галалёдзіца. Ноччу па паўднёвым усходзе моцны парывісты вецер.
Тэмпература паветра на працягу сутак ад -3°C да -9°C, ноччу па поўначы Беларусі пры праясненнях маразы ўзмоцняцца да -10.. -12°C; у паўднёва-заходніх раёнах ноччу і днём каля 0°C.
Цяпер чытаюць
Памілаваныя 15 чалавек, сярод якіх 13 палітвязняў16
Каментары