Прэм'ер-міністр Беларусі Міхаіл Мясніковіч на пасяджэнні Прэзідыума Савета Міністраў агучыў ключавыя прыярытэты работы беларускай эканомікі ў 2014 годзе.
Так, галоўнымі задачамі на бягучы год з'яўляюцца збалансаваны эканамічны рост і эфектыўнасць. Не менш актуальнымі застаюцца таксама пытанні, якія датычацца экспарту і аптымізацыі імпарту.
«Мы павінны значна нарасціць аб'ёмы экспарту і ў пэўнай ступені рацыяналізаваць імпарт, для таго каб забяспечыць дадатнае сальда», — паставіў задачу Міхаіл Мясніковіч. У сувязі з гэтым урад разлічвае на актыўную работу камерцыйных банкаў, а таксама Нацыянальнага банка як галоўнага рэгулятара грашова-крэдытнай палітыкі.
Адносна ўстаноўленых паказчыкаў прэм'ер адзначыў, што перш за ўсё неабходна ўводзіць дыктат паказчыкаў эканамічнай эфектыўнасці, а не вала. Ацэнка ж работы прадпрыемстваў павінна давацца, у першую чаргу, па прыбытку, забяспечанасці абаротнымі сродкамі і росту прадукцыйнасці працы.
«Трэба смела і актыўна ісці на рэструктурызацыю стратных і неплацежаздольных арганізацый», — адзначыў прэм'ер.
Аб гэтым, паводле яго слоў, гаворыцца шмат, але да гэтага часу практычна нічога не зроблена. «Неэфектыўныя прадпрыемствы і вытворчасці не павінны жыць за кошт бясконцых бюджэтных датацый і добра працуючых калег», — падкрэсліў кіраўнік урада.
Перад усімі арганізацыямі ставіцца задача на працягу першага квартала з улікам развіцця новых сектараў і галін эканомікі правесці аптымізацыю.
Асобнай увагі патрабуе ўкараненне аўтсорсінгу. «Прадпрыемствы трэба вызваліць ад няпрофільных і дапаможных відаў дзейнасці», — лічыць прэм'ер. Перадача ўсіх няпрофільных актываў мясцовым органам улады па фактычным стане павінна быць завершана таксама ў першым квартале гэтага года. У рамках дзеючых аб'яднанняў Міхаіл Мясніковіч прапануе стварыць гаспразліковыя структуры на базе будаўнічых, транспартных, сацыяльных і іншых падраздзяленняў, якія вядуць гэту няпрофільную (у адносінах да асноўнага бізнесу) дзейнасць.
У Год гасціннасці, на думку Міхаіла Мясніковіча, неабходна вярнуцца да выканання патрабаванняў Дырэктывы нумар 4.
«Прадпрымальніцтва, развіццё сферы паслуг у гэты год павінны стаць важнейшымі фактарамі эканамічнага росту», — адзначыў ён. Таму тыя заданні, якія ўстаноўлены ў адносінах да мясцовых органаў улады па павелічэнню долі малога і сярэдняга бізнесу ў валавым рэгіянальным прадукце, павінны быць не проста нейкімі пажаданнямі - у гэтым напрамку павінна быць праведзена пэўная работа, перакананы прэм'ер.
Цяпер чытаюць
На пратэстанцкі фестываль у «Чыжоўку-Арэну» едзе амерыканскі прапаведнік Франклін Грэм. Разам з ім чакаюць Коўла з жонкай12
Каментары