Пасланніка ЗША ў Беларусі Ітана Голдрыча выклікалі ў МЗС у пытанні публікацыі на сайце CNN
7 лютага ў Міністэрства замежных спраў Рэспублікі Беларусь быў запрошаны часовы павераны ў справах ЗША ў Беларусі Ітан Голдрыч, якому было заяўлена аб непрымальнасці апублікавання на сайце прыватнага амерыканскага тэлеканала «CNN» артыкула, у якім згадваецца манумент «Мужнасць» у Мемарыяльным комплексе «Брэсцкая крэпасць-герой», паведамляе сайт МЗС.
Да амерыканскага дыпламата было даведзена, што абразлівы характар публікацыі выклікаў хвалю абурэння і неразумення простых беларускіх грамадзян, грамадскіх арганізацый. У Другой сусветнай вайне Беларусь страціла кожнага трэцяга свайго жыхара, і памяць пра герояў, якія загінулі ў барацьбе за свабоду краіны, для беларусаў святая.
Беларускі бок адзначыў факт прабачэнняў тэлеканала CNN. Разам з тым І.Голдрычу была перададзена настойлівая просьба давесці да кіраўніцтва СNN пазіцыю беларускага боку аб тым, што згадка манумента «Мужнасць» у гэтым артыкуле з'яўляецца непрымальнай.
Адначасова аб гэтай пазіцыі Амбасада Беларусі ў ЗША праінфармуе кіраўніцтва Дзярждэпартамента. Раней Амбасада Беларусі ў ЗША таксама накіравала жорсткі ліст да рэдактара тэлеканала CNN, паведамляе сайт МЗС.
Нагадаем, што ўчора сайт СNN прынёс выбачэнні беларускім чытачам, а сёння артыкул пра «самыя пачварныя помнікі ў свеце» быў выдалены з сайта CNN.
і Апытанка
Цяпер чытаюць
Мінчанка Ангеліна, якая прасіла ў Лукашэнкі кватэру за тройню, атрымала жыллё26
Каментары