У знак пратэсту cупраць агрэсіі Расіі на адкрыццё Паралімпіяды выйшаў толькі сцяганосец Украіны
Стадыён у Сочы сустрэў яго авацыяй.
На адкрыццё Паралімпіяды ў Сочы выйшаў толькі адзін украінскі спартовец, а не ўся каманда — так украінцы пратэставалі супраць агрэсіі Расіі.
Пра гэта на старонцы ў Facebook паведаміў міністр моладзі і спорту Дзмітрый Булатаў.
На цырымоніі адкрыцця, якая прайшла ў пятніцу ўвечары, з сцягам Украіны выйшаў толькі адзін спартсмен Міхаіл Ткачэнка (у яго няма ног, ён перасоўваецца на калясцы або на пратэзах).
«Звычайна пры адкрыцці Паралімпіяды выходзіць уся каманда. Такім чынам наша каманда падкрэслівае пратэст супраць ўварвання агрэсараў і акупантаў на нашу зямлю», — растлумачыў Булатаў.
Як адзначыў міністр, гэта аднагалоснае рашэнне каманды і прэзідэнта паралімпійскага камітэта Украіны.
«На Паралімпіядзе прысутнічаюць каманды ўсіх краін, якія заяўлялі удзел», — дадаў ён.
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку16
Каментары