У Дар'і Шманай, што сядзела між дарадцамі Лукашэнкі, ёсць цікавая старонка Укантакце ФОТЫ, ВІДЭА
Аказваецца, Дар’я Шманай — брунетка, што сядзела побач з Наталляй Пяткевіч падчас паслання Лукашэнкі і «Міс Вясна — 2013» — не першы год працуе ў мадэльным бізнэсе.
Дар’я мае свой рахунак у сацыяльнай сетцы Укантакце. Тут можна ўбачыць шмат фотаздымкаў яе з розных паказаў: Belarus fashion week 2012, Fashion's night out 3, Central Fashion Market, паказ ад куцюр’е Аўтандзіла…
Укантакце ў Дар’і крыху больш за 1000 сяброў. Гэта даволі шмат. Калі браць пад увагу, што яна хоць і прыгожая дзяўчына, але не поп-дзіва. Прычым маладых людзей на паўтары сотні менш, чым дзяўчат.
Мяркуючы па запісах на старонцы, яна сочыць за конкурсам «Каралева Вясны»: пакінула спасылку на відэа з сёлетняга конкурсу. І з настальгіяй узгадвае леташнюю сваю перамогу: «Роўна год назад столькі розных пачуццяў перажыла на «Каралеве Вясны». Але гэта таго было таго варта».
У яе ёсць рахунак і ў Instagram. 2 мая ў яе — Дзень нараджэння.
Дзяўчыне даспадобы ўкраінскі гурт «Акіян Эльзы». «Сапраўдны прафесіянал! Талент!» — напісала яна на сваёй старонцы на наступны дзень пасля канцэрта ў Мінску 8 снежня. І пакінула пад фота з выступлення сем песень.
А тут яна побач з расійскім шоўменам Аляксандрам Рэвам.
Запісаў на старонцы Дар’і мала. Яна больш выстаўляе сваіх фотаздымкаў. Ёй падабаюцца фотасесіі.
Яна катаецца на лыжах. «Замест нудных пар — на лыжы!:)».
Нагадаем, Дар’я Шманай — студэнтка Эканамічнага ўніверсітэта.
Наконт сваёй прысутнасці на лавах дарадцаў кіраўніка дзяржавы ў часе звароту Аляксандра Лукашэнкі з пасланнем да нацыянальнага сходу, яна сказала, што «працуе там» (маецца на ўвазе прэзідэнтура).
Каментары