Міністр падаткаў ва ўрадзе Януковіча скраў 700 млн даляраў: ствараў «праграмныя прадпрыемствы»
Незаконная дзейнасць былога міністра падаткаў і збораў Украіны Аляксандра Кліменка і падкантрольных яму прадпрыемстваў па ўхіленні ад выплаты падаткаў у 2012—2013 г. нанесла ўкраінскай дзяржаве шкоду ў суме больш за 6 млрд грн, паведамляе прэс-служба Генеральнай пракуратуры Украіны.
У ведамстве нагадалі, што Галоўнае следчае ўпраўленне Генпракуратуры праводзіць дасудовае расследаванне ў крымінальным вытворчасці па факце злоўжывання ўладай і службовым становішчам экс-міністрам А.Кліменкам і іншымі службовымі асобамі міністэрства, а таксама ўхілення ад выплаты падаткаў у асабліва буйных памерах (ч. 2 арт. 364, ч. 3 арт. 212 Крымінальнага кодэкса Украіны).
Высветлена, што А.Кліменка, злоўжываючы службовым становішчам, па папярэдняй змове з іншымі асобамі Мінпрыбыткаў, арганізаваў у Адэскай, Кіеўскай, Данецкай і Харкаўскай абласцях так званыя «праграмныя» прадпрыемствы для прадастаўлення паслуг па размытнёўцы тавараў на тэрыторыі Украіны па значна заніжанай мытнай цане.
Паводле інфармацыі прэс-службы,
прынцып працы злачыннай схемы заключаўся ва ўхіленні і мінімізацыі выплаты падаткаў і збораў у дзяржбюджэт Украіны шляхам рэальнага памяншэння вагі грузу з падробкай суправаджальных дакументаў,
змены ў суправаджальных дакументах на груз класіфікацыі і кодаў тавараў на больш танны, чым у рэчаіснасці.
Акрамя таго, падчас дасудовага расследавання выяўлена, што на працягу 2012-2013 г. А.Кліменка па папярэдняй змове са службовымі асобамі міністэрства і службовымі асобамі суб'ектаў гаспадарчай дзейнасці арганізаваў дзейнасць на тэрыторыі краіны схемы ўхілення ад выплаты падаткаў прадпрыемствамі рэальнага сектара эканомікі. Схема заключалася ў прадастаўленні названым прадпрыемствам магчымасці карыстацца паслугамі «абналічвальных» структураў, падкантрольных экс-міністру, з мэтай мінімізацыі падатковых абавязацельстваў і незаконнага фарміравання падатковага крэдыту па ПДВ.
«У выніку незаконнай дзейнасці названых прадпрыемстваў і самога Кліменкі бюджэту Украіны нанесены ўрон на суму больш за 6 млрд грн», - падкрэслілі ў прэс-службе Генпракуратуры.
У цяперашні час працягваюцца мерапрыемствы па выяўленні месца знаходжання Кліменкі.
Беларуска распачала чэлендж «40 спатканняў», але ўжо на сярэдзіне не хавае расчаравання ў мужчынах40
Каментары