З 17 па 24 лістапада 2007 адбудзецца традыцыйны восеньскі кінафэстываль.
17 лістапада распачынае сваю працу XIV Менскі кінафэстываль “Лістапад”. На фэсьце заяўленыя стужкі з 41 краіны сьвету. У тым ліку, на фэсьце ўпершыню будуць прадстаўленыя фільмы з Вугоршчыны (“Парцалянавая лялька”), Індыі, Паўдзённай Карэі (“Таямнічае сонечнае сьвятло”.
Сярод прысланых стужак – рэдкае на нашых экранах эстонскае кіно (“Магнус”), грузінскае (“Сваны”), латвійскае (“Манатоннасьць”), сэрбскае (“Пастка”, “Чорныя коні”), швэдзкае (“Вандроўка Ніны”), іранскае (“Сонца ўсім аднолькава сьвеціць”).
Як заўжды, шмат расейскіх стужак: “Аляксандра” Сакурава, “Вандроўка з хатнімі жывёламі” Веры Сторажавай, “Агітбрыгада “Бі ворага!” Віталя Мельнікава.
На фэсьце адбудзецца прэм’ера беларускага фільма Андрэя Голубева “Чаклун і Румба” – пра сапёра й ягоную сабаку. А вось стужку Марыі Мажар “Ворагі” менскія гледачы ўжо бачылі.
На фэсьце будуць паўторна паказаныя “Жыцьцё іншых”, “Мангол”, “Анёл”, “1612”, “12”.
Упершыню адбудзецца паказ дакумэнтальных стужак. 30 дакумэнтальных карцін з 15 краінаў сьвету будуць прадстаўленыя ў відэакомплексе “Цэнтр-відэа”, што ў комплексе “Сталіца”.
А вось карціна “Два ў адным” Кіры Муратавай з Аляксандрам Лукашэнкам – на фэст не трапіла, што ўжо выклікала скандал. Звычайна ўсе новыя фільмы Муратавай паказваліся на “Лістападзе”. Гэтым разам, стужка, дзе Лукашэнка з тэлеэкрана віншуе гледачоў з Новым годам, а стары эратаман хваліць яго – ня будзе прадстаўленая на фэсьце.
Цяпер чытаюць
Турэцкі лаўрэат прэміі Чэчкі быў у захапленні ад Беларусі і рэжыму ў ёй. А пасля трапіў на Акрэсціна9
Каментары