У суботу — другая трэніроўка парада, увечары цэнтр будзе паралізаваны
Другая трэніроўка ваеннага парада пройдзе ў Мінску вечарам 28 чэрвеня. Як паведамляе ўпраўленне ДАІ ГУУС Мінгарвыканкама, механізаваная калона пачне рух у 17.30.
Па ўсім шляху руху тэхнікі будзе паэтапна закрывацца рух па праспекце Незалежнасці. Затым ад праспекта Незалежнасці калона будзе рухацца па вуліцах Сурганава, Куйбышава, Багдановіча, праспекце Машэрава. Будзе закрыты рух на праспекце Машэрава ад праспекта Незалежнасці да праспекта Пераможцаў.
Генеральная трэніроўка парада ў азнаменаванне Дня Незалежнасці і 70-годдзя вызвалення Беларусі ад нямецка-фашысцкіх захопнікаў пачнецца ў 21.30.
Для паўторнага праходжання баявыя машыны будуць рухацца па праспекце Машэрава, вуліцах Ціміразева, Арлоўскай, плошчы Бангалор, вуліцы Куйбышава, праспекце Машэрава.
Вяртанне механізаванай калоны ў парк будзе праходзіць ад праспекта Машэрава па вуліцах Ціміразева, Арлоўскай, плошчы Бангалор, вуліцы Сурганава, праспекце Незалежнасці, вуліцы Старынаўскай у ваенны гарадок Уручча.
Рух усіх відаў транспарту будзе перакрывацца ў абодвух напрамках па ходзе руху калоны, а таксама на час правядзення трэніроўкі.
Апрача таго, будзе забаронена паркоўка па абодвух баках праспекта Машэрава на ўчастку ад ракі Свіслач да вуліцы Куйбышава, мясцовага праезду да гатэля «Планета» ад вуліцы Заслаўскай да дома № 27, на пляцоўцы каля дома № 39 па праспекце Машэрава, па абодвух баках вуліц Гвардзейскай, Тарханава, Грыбаедава, Ігнаценкі, Даўмана да перакрыжавання з вуліцай Харужай, вуліцы Старажоўскай да перакрыжавання з вуліцай Заборскага.
Дзяржаўтаінспекцыя рэкамендуе вадзіцелям і пасажырам грамадскага транспарту ўлічваць гэтую інфармацыю і планаваць свой маршрут загадзя, а таксама не паркаваць транспартныя сродкі на згаданых участках. У адваротным выпадку аўтамабілі будуць эвакуяваны.
Цяпер чытаюць
Расіяне сапраўды сталі часцей купляць нерухомасць у Беларусі? Вось што расказваюць рыэлтары21
Расіяне сапраўды сталі часцей купляць нерухомасць у Беларусі? Вось што расказваюць рыэлтары
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1111
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»11
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары