У Пензенскай вобласьці Расеі сёньня забаранілі доступ журналістам да сэктантаў, сярод якіх ёсьць беларусы, што зачыніліся ў пячоры каля сяла Нікалаеўка
, у якой спадзяюцца перачакаць Апакаліпсіс, які, на іх думку, будзе ў траўні наступнага году.
У Пензенскай вобласьці Расеі сёньня забаранілі доступ журналістам да сэктантаў, якія зачыніліся ў пячоры каля сяла Нікалаеўка
Лідэр сэкты — 43‑гадовы Пётар Кузьняцоў. Прыхаджане яго «малельнага дому забараняюць сваім дзецям наведаваць школу, глядзець тэлевізар, слухаць радыё, дакранацца да грошай. Паводле слоў тутэйшых жыхароў, айцец Пётар заўжды вылучаўся асаблівым фанатызмам. Пачынаў ён з даволі богу мілай справы — хацеў збудаваць капліцу. Аднак пасьля раптам аб’явіў, што «вучэньне царквы няслушнае, а сапраўднае слова Божае ідзе зь ягоных вуснаў».
16 лістапада Пятра Кузьняцова затрымалі й адправілі ў абласную псыхіятрычную больніцу. Там яму паставілі дыягназ «асоба ў стане трызьненьня».
Міністар унутраных спраў Беларусі Ўладзімер Навумаў заявіў, што беларускі бок адсочвае сытуацыю па каналах МЗС. Паводле Навумава, гаворка можа ісьці пра чатыры ці пяць беларусаў, аднак гэта ўскосныя зьвесткі.
Самавольныя нявольнікі, называюць сябе «ісьціннымі праваслаўнымі». Іхні прыстанак ўяўляе зь сябе выкапаны пад зямлёй схоў у выглядзе тунэлю з студняй і асобнымі памяшканьнямі. Прадстаўнікам улады яны заяўляюць, што сышлі ад гэтага сьвету добраахвотна й пагражаюць спаліць сябе, калі іх гвалтам паспрабуюць выселіць з падзем’я.
Архіяпіскап пензенскі й кузьнецкі Філарэт заклікаў пустэльнікаў «вярнуцца ў сьцены храмаў».
Прэзыдэнт Расейскай асацыяцыі цэнтраў вывучэньня рэлігій і сэктаў прафэсар Аляксандар Дворкін заявіў, што
«гэта адна з шматлікіх псэўдаправаслаўных груповак… Падобныя групы, як правіла, абвінавачваюць Царкву ў тым, што яна “прадалася міру і антыхрысту”».
Дворкін лічыць узьніклую сытуацыю вельмі небясьпечнай.
«Крымінальны працэс трэба весьці вельмі акуратна, таму што ўсё можа скончыцца масавым самагубствам», — лічыць ён.
Цяпер чытаюць
Марына Адамовіч апублікавала новыя ФОТЫ Міколы Статкевіча2
Каментары