У дачыненні да 42-гадовага жыхара Гродна распачата крымінальная справа за крадзеж з мясцовага заапарка насухі — маленькага пушыстага звярка з доўгім носам і вялікім паласатым хвастом.
Як паведамілі ва УУС Гродзенскага аблвыканкама, на тэрыторыі заапарка ёсць «Бабулін дворык», спецыяльна адведзенае месца, дзе можна пагладзіць бяспечных жывёл і сфатаграфавацца з імі. Аматар прыроды прыйшоў туды. Прычым, паводле слоў відавочцаў, мужчына нават размаўляў з жывёламі, доўга гладзіў пушыстага звярка, а затым непрыкметна сунуў за пазуху і пайшоў.
Прапажу выявілі супрацоўнікі заапарка толькі вечарам, калі адпраўлялі жывёл у свае вальеры. Звярнулі ўвагу, што ў маці-насухі не хапае аднаго дзіцяняці. Тады і звярнуліся ў міліцыю.
Праваахоўнікі з Ленінскага райаддзела міліцыі заняліся пошукамі жывёліны. У працэсе пошуку супрацоўнікі звярнулі ўвагу на свежую аб'яву ў інтэрнэце — аб продажы рэдкай насухі.
Калі гутарылі з прадаўцом, высветлілася, што гэта той самы звярок, які і быў украдзены. Мужчына ва ўсім прызнаўся, яго затрымалі.
Падрабязнасці гэтай незвычайнай гісторыі яшчэ ўстановіць следства. Жывёліна вернута ў заапарк да сваёй сям'і.
Памілаваныя 15 чалавек, сярод якіх 13 палітвязняў15
Каментары