Каля сарака цел мірных жыхароў знойдзены ў трох брацкіх магілах пад Данецкам, паведаміў «прэм'ер-міністр» самаабвешчанай Данецкай народнай рэспублікі Аляксандр Захарчанка.
«Знаходзім яшчэ пахаванні, дакладная колькасць брацкіх магіл пакуль невядома. У іх ляжаць мірныя жыхары, ваеннапалонныя апалчэнцы і ўкраінскія салдаты», — цытуе Захарчанку «Руская служба навін». Паводле яго слоў, пакуль знойдзена тры пахаванні, у адным з іх ляжаць целы мірных жыхароў, іх знайшлі ўжо каля 40, у двух іншых — целы палонных апалчэнцаў і ўкраінскіх салдат.
Прадстаўнікі баевікоў мяркуюць, што забойствы мірных жыхароў справа рук байцоў Нацгвардыі Украіны
— украінскія сілавікі знаходзіліся ў населеным пункце Ніжняя Крынка з красавіка, данецкія баевікі выбілі іх адтуль і занялі вёску 21 верасня.
У Кіеве гэта адмаўляюць.
Прадстаўнік Рады нацыянальнай бяспекі і абароны Украіны Андрэй Лысенка паведаміў, што ў гэтым месцы «ніводны баец Нацыянальнай гвардыі ніколі не знаходзіўся», але былі іншыя падраздзяленні сілавікоў.
-
Зяленскі: Танней не даць Расіі вырабляць ракеты, чым ратаваць энергасістэму Украіны
-
«ДНЖ — гэта прывілей, а не права». Новая кіраўніца Дэпартамента міграцыі Літвы адказала на пытанні, актуальныя і для беларусаў
-
Зяленскі ў Давосе: Калі б Еўропа дапамагла беларускаму народу ў 2020 годзе, то ў Беларусі сёння не было б «Арэшніка»
Каментары