Асудзілі 20‑гадовую дзяўчыну, якая насмерць збіла на пераходзе 85‑гадовага мужчыну
Аварыя адбылася раніцай 4 лістапада на трасе Парычы — Чырвоны Бераг у межах вёскі Шчадрын у Жлобінскім раёне.
Дзяўчына, якая кіравала службовай Lada, рухалася ў дождж па мокрай дарозе з хуткасцю 68 км/г. Яна загадзя заўважыла 85‑гадовага мужчыну, які ішоў па праезнай частцы ў спадарожным кірунку ў паласе сустрэчнага руху. Дзяўчына знізіла хуткасць прыкладна да 50 км/г, аднак цалкам не спынілася.
Калі аўтамабіль наблізіўся, пешаход пачаў пераходзіць дарогу. У выніку адбылося сутыкненне. Ад атрыманых траўмаў мужчына пазней памёр у бальніцы.
Следства ўстанавіла, што кіроўца парушыла патрабаванні ПДР, якія абавязваюць пры ўзнікненні небяспекі прымаць меры аж да поўнага спынення. Эксперымент паказаў, што яна магла заўважыць пешахода з адлегласці каля 178 метраў, а экспертыза пацвердзіла наяўнасць тэхнічнай магчымасці пазбегнуць наезду як пры своечасовым зніжэнні хуткасці, так і пры экстраным тармажэнні.
Пасля ДТЗ дзяўчына спачатку не паведаміла пра наезд, заявіўшы, што знайшла пажылога мужчыну на абочыне. Толькі пазней яна прызналася ў здарэнні.
Суд прызначыў два гады калоніі, а таксама пазбавіў права кіравання транспартнымі сродкамі тэрмінам на пяць гадоў.
Прысуд яшчэ не ўступіў у законную сілу і можа быць абскарджаны.
Цяпер чытаюць
«Калі пасадзяць зноў, то пасяджу». Пачобут пра сваё вызваленне, камеры смяротнікаў, бітву за гонар у судзе і жаданне вярнуцца4
Каментары