Член сакратарыята брытанскага кабінета міністраў па пытаннях грамадзянскай супольнасці, які пайшоў у адстаўку з-за таго, што ў адной з газет былі апублікаваныя звесткі аб яго сэксуальным жыцці, назваў самога сябе «поўным ідыётам».
«Мне няма каго вінаваціць акрамя самога сябе. Я прычыніў боль тым, хто мне даражэй за ўсё», — сказаў Брукс Ньюмарк у інтэрв'ю Бі-бі-сі.
Ньюмарк адправіў свой інтымны фотаздымак журналісту Sunday Mirror, які перапісваўся з палітыкам у інтэрнэце, выдаючы з сябе актывістку кансерватыўнай партыі.
Абвясціўшы пра сваю адстаўку, міністр таксама папрасіў прэсу паважаць яго права на прыватнае жыццё.
«Я прыношу свае глыбокія, глыбокія прабачэнні. Але мне цяпер трэба правесці час з сям'ёй», — сказаў былы міністр.
Брукс Ньюмарк быў абраны ў парламент у 2005 годзе. Ён жанаты і ў яго пяцёра дзяцей.
Міністр абароны Вялікабрытаніі Майкл Фалон сказаў, што Ньюмарк «паступіў правільна», пайшоўшы са сваёй пасады.
Аднак сябра парламента ад Кансерватыўнай партыі Надзін Дорыс у інтэрв'ю тэлеканалу Sky заявіла, што скандал вакол адстаўкі палітыка толькі адцягвае ўвагу ад адкрыцця штогадовага з'езду партыі.
«Брукс Ньюмарк быў проста дурны … Ён падвёў самога сябе і сваю сям'ю. Але ўсё гэта не так важна», — сказала яна.
Цяпер чытаюць
Што за Дзмітрый Скіндзераў, які абвясціў вайну Ціханоўскай? Супрацоўніцтва з ГУБАЗіКам, даўгі ў Беларусі, даўгі ў Літве30
Каментары