У Брэсце пад коламі грузавіка загінуў дзевяцігадовы хлопчык, паведаміла карэспандэнту БелТА начальнік аддзялення агітацыі і прапаганды ўпраўлення ДАІ УУС Брэсцкага аблвыканкама Наталля Сахарчук.
Трагедыя адбылася 6 кастрычніка ў 18.55 на выездзе з бульвара Шаўчэнкі на кальцо па вуліцы Набярэжнай.
Паводле папярэдняй версіі, 39-гадовы жыхар Брэста на грузавіку не саступіў дарогу веласіпедысту 2005 нараджэння, вучню 4-га класа, які перасякаў праезную частку на ровары на нерэгуляваным пешаходным пераходзе. У выніку ДТЗ хлопчык атрымаў цялесныя пашкоджанні і памёр па дарозе ў бальніцу ў машыне хуткай медыцынскай дапамогі.
Ці была магчымасць у кіроўцы гружанай пяском машыны пазбегнуць наезду на дзіця, будзе ўстаноўлена падчас следчых дзеянняў.
Па гэтым факце праводзіцца праверка. Узятая на даследаванне кроў у кіроўцы паказала, што на момант аварыі мужчына быў цвярозы.
Наталля Сахарчук нагадала, што ў адпаведнасці з правіламі дарожнага руху
пры пад'ездзе да нерэгуляванага пешаходнага перахода кіроўца павінен знізіць хуткасць аўтамабіля аж да яго поўнага спынення і пры наяўнасці пешахода даць яму перавагу ў руху.
Веласіпедыст ж у гэтым выпадку павінен злезці з ровара і каціць яго ў руках.
Герой Беларусі Марына Васілеўская нарадзіла дачку ад касманаўта Алега Навіцкага16
Каментары