1 кастрычніка памёр лідар магілёўскага рок-гурта «Барон Мюнхгаўзэн» Аляксандр Сташкевіч, паведамляе выданне «Магілёў. Media». Яму было 57 гадоў, гурту — 20.
Родам Аляксандр Сташкевіч з Быхава. У «Бароне Мюнхгаўзэне» ён пісаў музыку і вершы і граў на гітары, а свае песні выконваў і з гуртом, і сольна.
Песні Аляксандра поўныя філасофскага сэнсу — «Акварыум» і «Пікнік» у адным флаконе. Гурт ведалі па канцэртах у Магілёве і па тэлепраграме «Четвертая студия», дзе «Барон Мюнхгаўзэн» граў ужывую.
Сам Сташкевіч казаў, што песні ў яго нараджаюцца толькі з моцнага перажывання — пасля падзеі, сустрэчы, кнігі або фільма.
«Мяне абавязкова нешта павінна вельмі моцна ўзрушыць», — тлумачыў ён.
Асабліва востра Сташкевіч перажываў сыход сяброў, а адна з яго найлепшых песень — пра тое, што знаёмых твараў навокал становіцца ўсё менш.
Сябры музыкі абяцаюць, што ў Магілёве з’явіцца дрэва, названае яго імем.
Герой Беларусі Марына Васілеўская нарадзіла дачку ад касманаўта Алега Навіцкага16
Каментары