ЕС выключыць бізнэсоўцаў Гуцэрыева і Шаўцова з беларускага санкцыйнага спісу
Паслы краін ЕС 7 кастрычніка маюць узгадніць выключэнне з «беларускага» санкцыйнага спісу расійскага бізнэсоўца Міхаіла Гуцэрыева і беларускага прадпрымальніка Віктара Шаўцова.
Пра падрыхтоўку рашэння паведамляе брусельскі карэспандэнт Радыё Свабода Рыкард Юзвяк са спасылкай на дыпламатычныя крыніцы.
Крыніцы Радыё Свабода звязваюць гэты крок з перамогамі бізнесоўцаў у судах ЕС. Паводле іх, юрыдычныя падставы для захавання гэтых санкцый у ЕС лічаць слабымі.
Пры гэтым выключэнне з беларускага спісу не будзе азначаць поўнага зняцця санкцый ЕС з Гуцэрыева. 23 ліпеня 2026 года яго ўключылі ў асобны спіс, звязаны з расійскай агрэсіяй супраць Украіны. Рада ЕС абгрунтавала гэта ягонай дзейнасцю ў сектарах расійскай эканомікі, якія прыносяць значныя даходы ўраду Расіі, а таксама падтрымкай гэтага ўраду праз інвестыцыйныя праекты.
Шаўцоў у іншых спісах не фігуруе.
Гуцэрыеў трапіў пад санкцыі ЕС 21 чэрвеня 2021 года. Рада ЕС называла яго даўнім сябрам Аляксандра Лукашэнкі, які фінансава падтрымліваў ягоны рэжым і атрымліваў ад гэтага выгаду.
Сярод падстаў згадваліся інвестыцыі ў Беларусь, у тым ліку будаўніцтва кампаніяй «Славкалій» Нежынскага горна-абагачальнага камбінату, а таксама прысутнасць Гуцэрыева на інаўгурацыі Лукашэнкі 23 верасня 2020 года.
Віктара Шаўцова, былога старшыню назіральнай рады банка «Рашэнне», раней вядомага як «Інфабанк» і «Трастбанк», уключылі ў санкцыйны спіс 5 жніўня 2024 года, калі было апублікавана адпаведнае рашэнне Рады ЕС ад 26 ліпеня.
Рада ЕС звязвала яго з вытворчасцю ахоўных галаграм у Беларусі праз кампаніі «Тэхнахімтрэйд» і «Галаграфічная індустрыя». Паводле тагачаснага абгрунтавання санкцый, ён атрымліваў выгаду ад манаполіі, штучна створанай дзяржавай.
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу5
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары