У ноч на 13 кастрычніка невядомыя здзейснілі замах на лідара г.зв. руху «Наваросія» Паўла Губарава. Паведамляецца, яго аўтамабіль абстралялі на трасе Растоў — Данецк на тэрыторыі самаабвешчанай Данецкай народнай рэспублікі.
Пасля абстрэлу машына ўрэзалася ў слуп. Губараў без прытомнасці быў дастаўлены ў адну з бальніц Растова.
Між тым памочніца лідара «Наваросіі» Ганна распавяла ў інтэрв'ю радыёстанцыі «Гаворыць Масква», што ў яе пакуль няма дакладных звестак аб замаху на Губарава. «Я гэтую інфармацыю не абвяргаю, але і пацвердзіць таксама не магу, бо гэтая інфармацыя з другіх рук», — заявіла яна.
Вечарам 12 кастрычніка Губараў анансаваў на сваёй старонцы ў Facebook, што збіраецца зрабіць 13 кастрычніка «вельмі важную заяву».
12 кастрычнік «ЦВК» ДНР адмовіўся зарэгістраваць партыю Губарава на выбарах «кіраўніка» самаабвешчанай рэспублікі.
Губараў быў абраны «народным губернатарам» у сакавіку невядомымі людзьмі на сепаратысцкім мітынгу. Потым ён быў арыштаваны ўкраінскімі ўладамі на два месяцы, але затым абменены.
Амаль усе чаты і суполкі калоній і СІЗА Беларусі прызналі экстрэмісцкімі фармаваннямі. Пад пагрозай тысячы чалавек5
Каментары