Кіраўнік Міністэрства ўнутраных спраў Украіны Арсен Авакаў паабяцаў завесці крымінальную справу на расійскага акцёра Міхаіла Парэчанкава. Пра гэта ў чацвер, 30 кастрычніка, ён напісаў у сваім фэйсбуку.
«Па Парэчанкаву заўтра распачну вытворчасць. Мяркую, уезд у краіну гэтаму тыпу будзе закрыты. Затым суд, вышук, паглядзім, як будзе ездзіць у Еўропу», — паведаміў Авакаў.
Расійскі акцёр Міхаіл Парэчанкаў наведаў 30 кастрычніка пазіцыі сепаратыстаў у аэрапорце Данецка.
Ён пагутарыў з байцамі самаабвешчанай «ДНР» і зрабіў некалькі стрэлаў з кулямёта (на фота).
Варта адзначыць, што падчас наведвання аэрапорта на акцёры была каска з надпісам «Прэса».
Каментары