Прэзідэнт Расіі Уладзімір Пуцін падарыў 9 лістапада кіраўніку Кітайскай Народнай Рэспублікі Сі Цзіньпіну смартфон YotaPhone 2 падчас свайго візіту ў Кітай.
Як распавёў РІА «Новості» прэс-сакратар прэзідэнта Дзмітрый Пяскоў, у смартфон была адмыслова запампаваная сімволіка Расіі, Кітая і Азіяцка-Ціхаакіянскага эканамічнага супрацоўніцтва.
Пасля навіны аб падарунку галава Чачэнскай рэспублікі Рамзан Кадыраў, вядомы як карыстальнік iPhone, даручыў замовіць сабе YotaPhone 2.
Смартфоны YotaPhone у расійскай прэсе нярэдка называюць «расійскімі айфонамі». «Ётафоны» піяраць і расійскія палітыкі. У снежні 2013 года са смартфонам азнаёміўся прэм’ер-міністр Расіі Дзмітры Мядзведзеў, яго рэакцыя была: «Карацей, Apple напружыўся». Галава расійскага міністэрства замежных спраў Сяргей Лаўроў заяўляў, што карыстаецца YotaPhone у маі 2014-га.
Галоўная асаблівасць «ётафонаў» — два экраны.
Першы — звыклы для смартфонаў LCD-экран, другі — чорна-белы E-ink-экран, так званая «электронная папера». YotaPhone 2 мае характарыстыкі смартфонаў-флагманаў пачатку 2014 года: Android 4.4, чып Spandragon 800 з 4-ядзерным працэсарам, асноўны 4,7»-FullHD-экран, другі E-ink-экран (з падсветкай) той жа дыяганалі з разрозненнем 960x540, камеры на 8 і 2 Мп.
Смартфоны YotaPhone складаюцца з кітайскіх дэталяў і сабраны ў Кітаі.
За першы месяц продажаў у канцы 2013 года было пастаўлена ўсяго блізу 10 тысяч арыгінальных YotaPhone, акрамя Расіі ён пазней стаў прадавацца ў Вялікабрытаніі і Арабскіх Эміратах. YotaPhone 2 разлічаны на міжнародны рынак, старт яго продажаў запланаваны на снежань 2014 года, арыентыровачная цана — 700 даляраў.
Цяпер чытаюць
Пальчыс, Андрэева, Лойка і іншыя імёны — пасля візіту амерыканскіх дыпламатаў у Мінск вызвалілі партыю палітвязняў10
Каментары