Анэ Софі, 23-гадовая студэнтка з Осла, год таму проста закахалася ў шыкоўныя вусы гэтага кацяняці, распавядае The Daily Mail. Яе сябра Дэн заўважыў: гэта ж Сталін! Сёння Мяосіф мае 9 тысяч падпісантаў у Instagram і ўласную лінію адзення.
Анэ пазнаёмілася з Мяосіфам праз вэб-сайт, калі праходзіла стажыроўку ў Японіі. Калі кацяня падрасло, яна забрала яго дадому ў Нарвегію. Кацянятка апынуўся хуліганам: крала ежу, ірвала і ламала ўсё запар, атакавала ногі, твары і валасы гаспадароў, тэрарызавала мясцовых птушак.
Гаспадыня лічыць, што імя ката выдатна адпавядала яго характару, але з узростам Мяосіф суцішыўся і стаў прыстойным катом.
Спачатку Анэ вяла Instagram Мяосіфа проста для забавы: здымала ката і дадавала забаўныя подпісы. Але з ростам папулярнасці з’явіліся і лінія тавараў Мяосіфа, і абражаныя грамадзяне. Анэ сцвярджае, што не хацела нікога абражаць, называючы ката гэткім імем, а хацела адно пазабавіць інстаграмераў.
Сталін – не адзін гістарычны дзеяч такога кшталту, у гонар якога і праз падабенства да якога называюць катоў. Напрыклад, вэб-сайт catsthatlooklikehitler.com збірае фота катоў, падобных «вусамі» і «стрыжкай» да Адольфа Гітлера.
Цяпер чытаюць
Што за Дзмітрый Скіндзераў, які абвясціў вайну Ціханоўскай? Супрацоўніцтва з ГУБАЗіКам, даўгі ў Беларусі, даўгі ў Літве44
Каментары