Skype запусціў сінхронны пераклад галасавых выклікаў
Месенджар Skype запусціў у тэставым рэжыме функцыю сінхроннага перакладу аўдыё пад назвай Skype Translator.
На дадзены момант Skype Translator працуе для голасу толькі для англійскай і іспанскай моў, але тэкставыя паведамленні ўмее перакладаць на 40 мовах.
Пакуль сэрвіс даступны толькі для Windows 8.1 пасля рэгістрацыі на сайце Skype Translator.
Сэрвіс пратэставалі на дзвюх школах: у Мексіцы і ў ЗША. Skype Translator зняў моўны бар’ер між дзецьмі, сцвярджаюць распрацоўшчыкі.
Найбольш верагодныя кандыдаты на атрыманне галасавога перакладу ў бліжэйшы час – арабская, кітайская, французская, нямецкая, італьянская, японская, карэйская, партугальская і руская мовы. Пры рэгістрацыі прапануецца запоўніць анкету – інтарэсы тэстыроўшчыкаў у мовах і платформах распрацоўшчыкі абяцаюць улічыць.
Сэрвіс не толькі распазнае вусную мову, але і навучаецца з цягам часу. Чым часцей яго будуць выкарыстоўваць, тым больш дакладнымі будуць станавіцца пераклады.
Цяпер чытаюць
Айцішніка з «Варгеймінга» судзілі па расстрэльным артыкуле. Падобна, за падтрымку Украіны — праўда, зрабіць ён нічога не паспеў2
Каментары