Аляксандр Лукашэнка падпісаў указ № 4 «Аб зацвярджэнні Палажэння аб парадку ўзаемадзеяння аператараў паштовай сувязі з органамі, якія ажыццяўляюць аператыўна-вышуковую дзейнасць».
Дакумент падрыхтаваны для ажыццяўлення прававога рэгулявання парадку ўзаемадзеяння аператараў паштовай сувязі з праваахоўнымі органамі, паведамляе прэс-служба прэзідэнта.
У прыватнсці, указам вызначаюцца абавязкі аператараў паштовай сувязі «па стварэнні ўмоў і аказанні садзейнічання ўпаўнаважаным дзяржаўным органам у правядзенні аператыўна-вышуковых мерапрыемстваў у межах барацьбы са злачыннасцю».
Таксама ўстанаўліваецца парадак доступу да баз даных, аўтаматызаваных сістэм аператараў і інфармацыі, неабходнай пры выкананні аператыўна-вышуковых задач. Такім чынам, фарміруюцца ўмовы для аптымальнага размеркавання нагрузкі паміж суб'ектамі аператыўна-вышуковай дзейнасці, павышэння ступені аператыўнасці мерапрыемстваў і выкарыстання пры гэтым сучасных аналітычных метадаў.
Палажэнне аб парадку ўзаемадзеяння аператараў паштовай сувязі з органамі, якія ажыццяўляюць аператыўна-вышуковую дзейнасць, набудзе моц праз тры месяцы пасля афіцыйнага апублікавання ўказа.
Цяпер чытаюць
Лукашэнка: Што творыцца ў краіне, у нас усе гэтую гусь круцяць22
Лукашэнка: Што творыцца ў краіне, у нас усе гэтую гусь круцяць
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5757
Каментары