У штаце Нью-Джэрсі, што суседнічае з Нью-Ёркам, у горадзе Саўт-Рывер, больш за сорак гадоў стаіць на ўзгорку акраіны горада прыгожая царква св. Еўфрасінні Полацкай.
Тут прыхаджане не толькі моляцца, але і перахоўваюць свае рэлігійныя традыцыі ў спалучэнні з традыцыямі амерыканскімі. Гэта калі казаць пра святкаванне Калядаў.
Такое святкаванне адбылося ў нядзелю 11 студзеня.
Пасля малітваў у царкве, у прыцаркоўным будынку Беларуска-амерыканскага грамадскага цэнтра адбылася забаўная навагодняя-калядная ялінка.
фота са святкавання Янкі Запрудніка.
Удзельнікаў святкавальнай праграмы і гасьцей прывітаў і блаславіў настаяцель прыхода а. Міхаіл. Сястрынства падрыхтавала ўсім смачны абед, а затым прагучэлі беларускія й амерыканскія калядкі. Адбыліся гульні і танцы, у тым ліку карагодны «Яшчур».
Прыбыў у залу пад канец сцэнічнай праграмы Дзед Мароз з мяхом падарункаў. Яго гучна сустрэлі і дзеці, і маладыя, і старыя, бо падобныя святкаванні прыпадаюць усім да сэрца.
Святкавальную праграму падрыхтавалі дасведчаныя ў гэтай галіне спадарыні Таццяна Дзямешчык і Віла Леўчук пры дапамозе ўдзячных прыхаджанаў.
Беларуская царква ў Саўт-Рыверы.
Цяпер чытаюць
Беларускага Сінюю Бараду адпусцілі з расійскай турмы паміраць дома5
Беларускага Сінюю Бараду адпусцілі з расійскай турмы паміраць дома
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу1313
Каментары