Bank of America Merrill Lynch прагназуе падзенне цэнаў на нафту Brent да 31 даляраў за барэль да канца першага квартала за кошт павышэння сусветных запасаў. Аб гэтым піша Reuters.
«Па-першае, кантанга на рынку Brent дасягае маштабаў, нябачаных з 2009 года. Гэта азначае, што запасы ва ўсім свеце вельмі хутка растуць», — гаворыцца ў справаздачы банка.
На думку аналітыкаў банка, запасы нафты ў краінах Арганізацыі эканамічнага супрацоўніцтва і развіцця ў другім квартале дасягнуць 2,83 мільярда барэляў.
Цана амерыканскага эталона WTI, на думку аналітыкаў, да канца першага квартала знізіцца да 32 даляраў за барэль.
У той жа час банк прагназуе вяртанне цэнаў на адносна вышэйшы ўзровень да канца года.
Па іх прагнозах, сярэднегадавая цана Brent складзе 52 даляра ў 2015 годзе і 58 даляраў у 2016 годзе, а WTI — 50 даляраў і 57 даляраў, адпаведна. Да гэтага Bank of America прагназаваў цану Brent у 2015 годзе 77 долараў, а WTI — 72 долары. Таму вартасць такіх прагнозаў заўжды адносная.
Цяпер чытаюць
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі1616
Каментары