Разумныя акуляры Google Glass стануць даступнымі ў 2015 годзе
Карпарацыя Google спыніць вытворчасць разумных акуляраў Google Glass і рэарганізуе бізнэс, каб выпусціць гаджэт на рынак у 2015 годзе, паведамляе тэлеканал CNBC.
Праект Google Glass пакіне лабараторыю перспектыўных праектаў Google X і стане самастойным падраздзяленнем. Яго ўзначаліць дырэктар купленай Google кампаніі Nest (што выпускае разумныя эрмастаты) Тоні Фадэл. Навіна ніяк не паўплывала на акцыі «карпарацыі дабра», як нярэдка называюць Google.
Вытворчасць і продажы папярэдняга прататыпу Google Glass будуць спыненыя 20 студзеня. Новая, ужо спажывецкая версія выйдзе на рынак у 2015 годзе. Новая версія Google Glass атрымае працэсар ад Intel і болей магутную батарэю.
Google Glass з’яўляецца сваеасаблівым дадатковым экранам для смартфона і носіцца на галаве як акуляры. Праз сістэму лінз карцінка паказваецца нібы на адлегласці ў паўметры ад карыстальніка і не займае шмат месца ў полі зроку. З дапамогай сэнсарнай панэлі на дужцы, рухаў галавой і галасавых каманд можна тэлефанаваць, здымаць фота і відэа, чытаць ды адсылаць пошту і SMS, праглядаць інтэрнэт-старонкі і нават гуляць у гульні з «дапоўненай рэчаіснасцю». Каб звярнуцца да акуляраў, дастаткова сказаць «OK, Glass».
Чытайце таксама: Google паказаў, што ўмеюць яго «разумныя акуляры»
Тэставанне акуляраў пачалося ў 2013 годзе. Прататып пад назвай Explorer Edition можна было набыць за 1500 даляраў. Тэставанне выкрыла не столькі тэхнічныя, колькі юрыдычныя праблемы: людзей хвалявала камера, на якую можна рабіць «шпіёнскія» здымкі і бяспека пры выкарыстанні на вуліцах і за рулём. Таксама ў некаторых экспертаў выклікала пытанні малая функцыянальнасць прататыпу і адсутнасць напраўду інавацыйных сцэнароў выкарыстання.
Чакаецца, што спажывецкая версія Google Glass будзе каштаваць значна меней за 1500 даляраў.
«Жалеза» акуляраў каштуе ўсяго 80 даляраў. Эксперты называюць верагоднай цэну ў 300 даляраў для спажывецкай версіі.
Чытайце таксама: 10 тэхналагічных трэндаў, якія зробяць наша жыццё лепшым
-
Штучны інтэлект рашыў задачу Наўе—Стокса, якую людзі не маглі разгадаць 90 гадоў. Гісторыя, аднак, абярнулася скандалам
-
Інжынер з Anthropic звольніўся, каб папярэдзіць, што ШІ вось-вось можа выйсці з-пад кантролю
-
ШІ-генерацыю ў відэагульнях крытыкавалі, а цяпер захапляюцца. Злітая тэхналогія ад NVIDIA ператварае старыя гульні ў сапраўдны кінематограф
Цяпер чытаюць
Лукашэнка: Што творыцца ў краіне, у нас усе гэтую гусь круцяць8
Лукашэнка: Што творыцца ў краіне, у нас усе гэтую гусь круцяць
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5656
Каментары