Рыгор Васілевіч вызвалены ад пасады старшыні і суддзьдзі Канстытуцыйнага суду.
У адпаведнасці з пунктам 11 артыкула 84 Канстытуцыі Рэспублікі Беларусь кіраўнік дзяржавы Аляксандр Лукашэнка сваім указам пастанавіў вызваліць Рыгора Васілевіча ад пасады старшыні і суддзі Канстытуцыйнага Суда Рэспублікі Беларусь у сувязі з завяршэннем тэрміну паўнамоцтваў і выхадам у адстаўку з далейшым інфармаваннем аб яго вызваленні Савета Рэспублікі Нацыянальнага сходу Рэспублікі Беларусь.
Аб гэтым БЕЛТА паведамілі ў прэс‑службе прэзідэнта.
Васілевічу ўсяго 52 гады. Старшынём Канстытуцыйнага суду яго прызначыў А. Лукашэнка ў 1996 годзе. Да таго ён быў адзіным з судзьдзяў таго складу суду, які быў сфармаваны канстытуцыйным шляхам у 1994 годзе, які па ўсіх пытаньнях падтрымліваў пазыцыю А. Лукашэнкі.
Пасьля 1996 году роля Канстытуцыйнага суду была зьведзеная да фармальнае. Усіх судзьдзяў прызначае і здымае сам А. Лукашэнка. Сам Васілевіч, аднак, выяўляў пэўныя амбіцыі. У прыватнасьці, ён спрабаваў стаць членам-карэспандэнтам Акадэміі навук, але акадэмікі яго забалятавалі, палічыўшы, відаць, ягоны ўнёсак у беларускую навуку яшчэ меншым за ўклад Міхаіла Мясьніковіча.
Хадзілі чуткі, што на пасаду старшыні Канстытуцыйнага суду мае перасесьці Натальля Пяткевіч. Сама яна, аднак, тыя чуткі спраставала.
Гэтая пасада ключавая ў прававых дэмакратычных дзяржавах, дзе члены суду не залежаць ад выканаўчай і заканадаўчай галінаў улады і абіраюцца дзеля таго, звычайна, на доўгі тэрмін без магчымасьці адкліканьня. Аднак у беларускай мадэлі ёй адводзіцца дэкаратыўная функцыя. Пераход на яе такое ключавое асобы, як Натальля Пяткевіч, мог бы азначаць ці яе апалу, ці павышэньні ролі суду ў сыстэме.
Рыгор Васілевіч апошні раз выклікаў вялікі розгалас, выступіўшы на абарону беларускай мовы і правоў беларускамоўных.
Цяпер чытаюць
Анжаліку Мельнікаву бачылі ў Мінску ў «Дана Моле»43
Каментары