Пра гэта гаворыцца ў пісьмовым адказе міністэрства прэсаваму сакратару ГА «БАЖ» Барысу Гарэцкаму.
Дзяржаўная газета «Рэспубліка», якая ў выходных дадзеных таксама не паведамляла назвы рэгіструючага органа, пакуль папярэджання не атрымала.
Нагадаем, што ў лютым-сакавіку Мінінфармацыі вынесла афіцыйныя папярэджанні адразу шэрагу рэгіянальных недзяржаўных выданняў, звінаваціўшы іх у незаконным скарачэнні «РБ» замест «Рэспубліка Беларусь» у выходных дадзеных.
Між тым, падобныя скарачэнні журналісты заўважылі і ў выданнях, заснавальнікамі якіх выступаюць дзяржаўныя органы ўлады. У сувязі з гэтым прэс-сакратар ГА «БАЖ» напісаў у Міністэрства інфармацыі ліст, каб даведацца, ці рэагавала ведамства на такія факты.
Як вынікае з ліста намесніка міністра Уладзіміра Матусевіча, па стане на 16 сакавіка ў межах кантролю за выкананнем заканадаўства пісьмовыя папярэджанні вынесеныя часопісу «Вожык» і баранавіцкай газеце «Наш край».
Цяпер чытаюць
Што азначае з’яўленне выхадцаў з Беларусі ў расійскім спецпадраздзяленні для асабліва важных аперацый і тайных забойстваў?1
Каментары