Чацвёртага красавіка, падчас матчу паміж «Шахцёрам» і «Гранітам», з дынамікаў салігорскага стадыёна гучала беларуская мова.
«Гэта душэўны парыў, разумееце? Памкненне. Мне проста захацелася, каб матчы вяліся на роднай мове. І з гэтага сезону так і будзе», — патлумачыў «Нашай Ніве» прэс-сакратар «Шахцёра» Павел Качановіч.
Таксама ён удакладніў, што «агучка» – гэта абвяшчэнне па-беларуску стартавых складаў, інфармацыі аб заменах, агульных звестак аб сустрэчы.
Паводле слоў прэс-сакратара, кіраўніцтва салігорскага клуба і заўзятары адрэагавалі на змены вельмі пазітыўна.
«Ніводнай заўвагі я не чуў, толькі словы падзякі ад кіраўніцтва: маўляў, пытанняў няма, малайца, так і працягвай далей. Што да заўзятараў, то для іх гэта ўвогуле стала станоўчым шокам. Ніхто з іх нават не чакаў, што будзе беларуская агучка – а тут на табе! Карацей, усе задаволеныя», — распавёў Павел і падкрэсліў, што неўзабаве ў «Шахцёра» з'явяцца і афішы, аформленыя па-беларуску.
Цяпер чытаюць
Будучы крэдыт пад 1% на новабудоўлі абрастае падрабязнасцямі. Як зменіцца рынак нерухомасці?2
Будучы крэдыт пад 1% на новабудоўлі абрастае падрабязнасцямі. Як зменіцца рынак нерухомасці?
І пра рэальных бандытаў, і пра крыварукага Косцю-плітачніка, і пра сэкс у цягніку. Журналістка з Гомеля напісала кнігу — чытаць яе страшна і смешна1111
Каментары