Прэзідэнт Украіны Пятро Парашэнка паабяцаў, што на вуліцах мірных украінскіх гарадоў больш не будзе ўзброеных людзей.
«Ні ў Кіеве, ні ў Адэсе, ні ў Харкаве, ні ў Цярнопалі, ні ў Івана-Франкоўску, ні ў Запарожжы на вуліцах не будзе людзей са зброяй. Людзі з «корачкамі» грамадскіх арганізацый або псеўдасілавікі не будуць палохаць мірных украінскіх працаўнікоў», — сказаў прэзідэнт падчас свайго візіту ў Адэсу.
Выступ Парашэнкі быў прысвечаны расследаванню беспарадкаў, якія адбыліся ў Адэсе ў маі мінулага года, калі загінулі 48 чалавек. Расследаванне справы пакуль не завершана. Улады Украіны сцвярджаюць, што большасць падазраваных хаваецца ў Расіі і ў Прыднястроўі.
Раней Парашэнка паабяцаў пазбавіць краіну ад «кішэнных войскаў». Гэтая заява была зроблена на фоне канфлікту прэзідэнта з губернатарам Днепрапятроўскай вобласці Ігарам Каламойскім, які з асабістых сродкаў спансіруе добраахвотніцкія батальёны.
Цяпер чытаюць
Ціханоўскі адказаў Ціханоўскай: Чамусьці не згадваецца, што рэабілітацыя сына адбывалася ў кватэрах і дамах, якія я купіў93
Каментары