Слынны беларускі гурт меў вялікі посьпех на прафэсійнай пляцоўцы ў Маскве. З. Сасноўскі: «Такое адчуваньне, што выступалі ў Менску - столькі нацыянальных сьцягоў былі ў залі і столькі сядзела беларускамоўных».
Першы выступ беларускага гурта ў Маскве на прафэсійнай пляцоўцы быў адзначаны аншлягам. Усе квіткі былі прададзены даўно загадзя, а сярод прысутных было вельмі шмат знаных прадстаўнікоў беларускае дыяспары. Дарэчы, запрашэньнем гасьцей займалася Згуртаваньне беларусоў сьвету «Бацькаўшчына», з дапамогай беларускіх ініцыятываў Масквы.
Зьміцер Сасноўскі кажа:
«Паглядзеўшы колькі сабралося прыхільнікаў, вырашылі канцэрт весьці па‑беларуску. І хаця мы выступаем першы раз у Маскве, з‑за таго як прыняла нас публіка, як прасілі выканаць столькі нашых песьняў, было адчуваньне, што мы не ў Маскве даем канцэрт, а ў Менску. На канцэрце ў зале луналі бел‑чырвона‑белыя сцягі». Вядомыя песні «Ольсаў» падхопліваліся і сьпяваліся залай. Гурт таксама выканаў шмат новых кампазыцый, якія віталіся публікай.
Між іншым, па выніках канцэрту было падпісана сем кантрактаў на выданьне дыскаў для расейскага слухача, а таксама заплянаваны наступны канцэрт, які адбудзецца 16 сакавіка. Месца канцэрту пакуль яшчэ не вядома, але ў плянах музыкаў сабраць яшчэ большую залю.
Падпалкоўніка з факультэта вайсковай разведкі судзяць за «здраду дзяржаве» па справе, якая выглядае палітычнай. Што пра яго вядома?6
Каментары