«Мінсктранс» дапоўніў таблічкі з раскладам кодам для SMS-сэрвісу
Платны сэрвіс дубліруе лічбавыя табло і бясплатнае «віртуальнае табло» ў інтэрнэце.
На таблічкі з назвай прыпынку і маршрутамі транспарту «Мінсктранс» наносіць дадатковы лічбавы код, распавядае «Мінск-навіны».
Код прызначаны для SMS-сэрвісу: абаненту трэба набраць *960*[код]#, каб даведацца, калі на прыпынак прыйдзе транспарт. Карыстальнік атрымае ў адказ нумары маршрутаў і час да іх прыбыцця.
Пакуль SMS-сэрвіс даступны толькі абанентам МТС, але ў стадыі прапрацоўкі яго распаўсюд на іншых аператараў. Цана SMS будзе залежыць ад аператара.
Сэрвіс звяраецца не з раскладам транспарту (ад якога транспарт можа з розных прычын адхіляцца), а з каардынатамі машын, што здымаюцца ў рэальным часе.
Коды на прыпынках расшыфроўваюцца проста. Першая лічба значыць раён горада, другая і трэцяя — нумар у алфавіце першай літары назвы прыпынку, чацвёртая і пятая — нумар прыпынку сярод тых, што пачынаюцца з такой літары ў гэтым раёне.
***
SMS-сэрвіс дубліруе электронныя табло, ужо ўсталяваныя ў Мінску на двух дзясятках прыпынкаў (у планах — яшчэ 20 табло), а таксама «Віртуальнае табло» на сайце «Мінсктранса». І рэальныя, і віртуальныя табло бясплатныя.
Дадаць у праграму для смартфонаў «Віртуальнае табло» спрабавалі мінскія распрацоўшчыкі. Пасля таго, як функцыя з’явілася ў іншай праграме, «Мінсктранс» закрыў сэрвіс, каб амаль праз год адкрыць яго з абавязковай рэгістрацыяй.
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў9
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»1919
Каментары