Запрашаем у аўтобусную вандроўку па невядомай Гомельшчыне — 2 мая (субота).
У цэнтры нашай увагі будуць: сталіца Свіслацкага княства, сядзіба Козел-Паклеўскіх ў Чырвоным Беразе, Замкавая гара і пяцівежавая ратуша ў Чачэрску, «Жыліцкі Версаль»…
Свіслач – адно з самых старажытных паселішчаў на беларускай зямлі.
На маляўнічым узбярэжжы, у месцы зліцця рэк Свіслачы і Бярэзіны, знаходзіцца Замчышча, дзе ў часы Полацкага княства і ВКЛ стаяў драўляны замак. Тут быў цэнтр удзельнага Свіслацкага княства, якое згадваецца і ў старажытнарускіх летапісах, і ў хроніках літоўскіх часоў. У XVIII—XIX стагоддзях тут узвялі гаспадарчыя пабудовы, ад якіх да нашых дзён засталіся каменныя руіны.
Пасля мы заедзем у неагатычны палац Козел-Паклеўскіх
у вёсцы Чырвоны Бераг быў пабудаваны ў канцы ХІХ стагоддзя.
Архітэктура палаца вызначаецца мансардавымі стрэхамі, эркерамі, кампазіцыяй містычных жывёл, а таксама раскошнымі заламі, якія маюць свой непаўторны стыль.
Горад Чачэрск вядомы з канца ІХ стагоддзя.
Тут, на Замкавай Гары, некалі ўзвышалася магутная абарончая крэпасць. Цікава, што яна мела трохкутную форму. Сёння на яе руінах размясціўся парк. З вышыні Замкавай Гары адкрываецца цудоўны краявід.
У цэнтры Чачэрска цікава будзе зірнуць на ратушу, збудаваную ў канцы XVIII стагоддзя, — помнік класіцызму з элементамі готыкі.
Архітэктурная разынка чачэрскай ратушы — 5 драўляных вежаў.
Таксама ў Чачэрску мы пабачым пабудаваную ў выглядзе ратонды Спаса-Праабражэнскую царкву (1783 г.) — помнік класіцызму рэспубліканскага значэння.
Паблізу захаваўся і маёнтак Чарнышова-Круглікава, пабудаваны ў пачатку ХІХ стагоддзя.
У вёсцы Дварэц мы агледзім Траецкую царкву сярэдзіны ХІХ стагоддзя – помнік драўлянага дойлідства.
І, нарэшце, прагуляемся па «Жыліцкім Версалі»
— палацы Булгакаў у вёсцы Жылічы Кіраўскага раёна. Яго будавалі дваццаць гадоў і сядзіба ўражвала сучаснікаў. Плошча палаца складала 4000 метраў, на яго вежу з купалам вяла вінтавая лесвіца, кожная зала была аздобленая ў адметным стылі. Вакол палаца быў парк на 18 гектараў, а разам з каскадам азёраў маёнтак займаў амаль сто гектараў. Цяпер ён вяртаецца ў першасны выгляд.
Пагадзіўшыся праехацца з намі ў суботу 2 мая вы не пашкадуеце.
Білет каштуе 330 000 рублёў. У цану ўключана:
экскурсійная вандроўка па маршруце на камфартабельным аўтобусе;
уваходныя квіткі ў музеі і сядзібы;
фатаграфаванне па жаданні: індывідуальныя і групавыя здымкі на памяць.
Ад’езд з Мінску а 8 гадзіне раніцы, вяртанне а 21-й.
Тэлефануйце: (029) 690 03 76
ІП Бурневіч В.У. УНП: 192444073
Цяпер чытаюць
Пальчыс заявіў, што гэта ён каардынаваў пратэсты 2020 года з Мінска і пісаў планы першых маршаў43
Пальчыс заявіў, што гэта ён каардынаваў пратэсты 2020 года з Мінска і пісаў планы першых маршаў
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх2121
Каментары