Знакамітая фінская кампанія Nokia сёння адзначае сваё 150-годдзе. Прадпрыемства было заснавана 12 мая 1865 года і з тых часоў неаднаразова змяняла сваю спецыялізацыю.
Першапачаткова кампанія займалася вытворчасцю паперы, а сваю сучасную назву атрымала ў 1871 — Nokia Ab. У 1902 годзе яшчэ адным відам дзейнасці Nokia Ab стала выпрацоўка электраэнергіі.
У 1922 годзе, пасля зліцця з Finnish Rubber Works і Finnish Cable Works, Nokia Ab стала вырабляць таксама гумовыя вырабы (цяпер гэта вядомая аўтааматарам кампанія Nokian), кабелі і электроніку. Пазней у сферу інтарэсаў Nokia Ab трапілі паляўнічыя стрэльбы, пластыкі і хімічныя матэрыялы.
У 1980-х Nokia Ab пачала актыўна развіваць распрацоўку і вытворчасць электронікі. Да 1987 года асноўным бізнэсам кампаніі становіцца бытавая электроніка — кампанія стала трэцім па велічыні вытворцам тэлевізараў у Еўропе.
Але мы ведаем фінскую кампанію не па гумовых вырабах і тэлевізарах, а па мабільных тэлефонах і смартфонах. Калісьці Nokia была лідарам і на тым і на іншым рынках, аднак па шэрагу прычын страціла перавагу перад канкурэнтамі, а затым і зусім прадала сваё мабільнае падрадзяленне Microsoft за 7,18 млрд даляраў.
Апошнія смартфоны з лагатыпам Nokia з'явіліся на рынку ў мінулым годзе — імі сталі Nokia Lumia 730, Lumia 735 і Lumia 830.
-
Навукоўцы даказалі марнасць інтэрнэт-спрэчак: ніхто не мяняе думку, а вынікі не рэпрэзентуюць большую частку грамадства
-
ШІ бяссільны перад мастацтвам: вершаваныя запыты змусілі яго расказаць, як ствараць атамныя бомбы і ламаць сайты
-
У Зямлі ёсць хвост, які цягнецца як мінімум на 2 мільёны кіламетраў
Цяпер чытаюць
Бабарыка тры хвіліны адказваў на пытанне, чый Крым. Так і не адказаў150
Каментары