Прарэктар ЕГУ па развіцці і камунікацыі Дарус Удрыс сышоў з Еўрапейскага гуманітарнага ўніверсітэта. Сам ён адмаўляецца называць свой сыход звальненнем.
«Разам з кіраўніцтвам універсітэта я прыняў рашэнне пакінуць пасаду прарэктара. Гэта ўзаемнае рашэнне, а не звальненне. Пасля чатырох гадоў плённай працы я вырашыў ісці далей», — сказаў Удрыс.
Дарус Удрыс паведаміў, што збіраецца і далей працаваць у сферы сувязяў з грамадскасцю. Таксама Удрыс, які з'яўляецца грамадзянінам ЗША, патлумачыў, што пакуль не мае намеру пакідаць Літву.
У той жа час былы выкладчык ЕГУ, кандыдат гістарычных навук Павал Церашковіч лічыць сыход Удрыса працягам палітыкі, скіраванай на выцісканне з універсітэта апанентаў: «На гэты раз пад раздачу патрапіў удзельнік прэзідэнт…, sorry, рэктарскай выбарчай кампаніі, прарэктар Дарус Удрыс. Вось так паступае прэзідэнт ЕГУ. Дабрадушны чалавек, сапраўдны гуманіст, носьбіт еўрапейскіх каштоўнасцяў», — іранізуе Церашковіч у сваім Facebook.
Цяпер чытаюць
Памятаеце былога памежніка, які стаў дальнабойшчыкам і ў Германіі прызнаваўся ў любові да Лукашэнкі? З ім бяда16
Каментары