У Мінску ўжо пачалі чатырохмесячныя перападрыхтоўчыя курсы.
Мінздароўя дадала функцый участковым тэрапеўтам у Беларусі, распавяла «Мінск-навіны» начальнік аддзела першаснай медыцынскай дапамогі Міністэрства аховы здароўя Людміла Жылевіч.
Беларускія тэрапеўты маюць стаць дактарамі агульнай практыкі, яны будуць праводзіць больш падрабязныя агляды ды атрымаюць дадатковыя інструменты ў інвентар.
Па словах Жылевіч, тэрапеўты атрымаюць функцыі, падобныя да колішніх земскіх дактароў. Напрыклад, калі ў пацыента баліць вуха, тэрапеўт мае аглядзець пацыента з выкарыстаннем атаскопу, каб вырашыць, ці накіроўваць яго да ЛОРа альбо іншага спецыяліста, ці справіцца самастойна. Тое ж тычыцца неўрапаталагічнага ці кардыялагічнага профілю. Такім чынам плануецца разгрузіць спецыялізаваных дактароў.
Мінздароў пачаў перападрыхтоўку тэрапеўтаў на базе мінскай 39-й паліклінікі, дзе дзейнічае кафедра паслядыпломнай адукацыі Беларускай медыцынскай акадэміі. Курсы доўжацца чатыры месяцы.
Разам з дадатковымі інструментамі — атаскопам, неўралагічным малаточкам, партатыўным электракардыёграфам, глюкометрам — тэрапеўты атрымаюць планшэты з доступам да базы звестак паліклінікі і электроннай амбулаторнай карты пацыента.
Чытайце таксама: Электронныя чэргі і рэцэпты з’явяцца ва ўсіх паліклініках Мінска да канца 2015 года
Цяпер чытаюць
Галоўным спікерам Жаночага форуму ў Мінску стане расійскі крынджовы псіхолаг, які расказваў пра «памяць жаночых палавых губ»1
Каментары