Парламенцкія выбары ў Даніі выйграла апазіцыя —правацэнтрысцкі блок на чале з лідарам ліберальна-кансерватыўнай партыі «Венстрэ» Ларсам Лёке Расмусэнам атрымае 90 мандатаў з 175. Прэм'ер-міністр краіны Хеле Торнінг-Шміт прызнала паразу сваёй сацыял-дэмакратычнай партыі і паведаміла пра адстаўку ўрада.
У ноч на пятніцу быў завершаны падлік галасоў на кантынентальнай частцы краіны. Падлік галасоў на Фарэрскіх астравах і ў Грэнландыі яшчэ не скончаны — ад гэтых тэрыторый у парламент абіраецца чатыры дэпутаты.
Торнінг-Шміт сказала: «Раніцай я паведамлю каралеве (Даніі Маргрэтэ II) аб адстаўцы ўрада … Новы ўрад цяпер трэба будзе сфарміраваць (на чале Ліберальнай партыі) Ларсу Лека Расмусэну. Я жадаю яму поспеху, ён павінен быць удзячны за тое, што прымае краіну ў выдатным стане».
Прэм'ер-міністр таксама павіншавала паплечнікаў з тым, што яе сацыял-дэмакратычная партыя зноў атрымала больш галасоў выбаршчыкаў, чым любое іншае палітычнае аб'яднанне краіны (26,3%), хоць гэтага і не хапіла, каб вывесці наперад ўвесь левацэнтрысцкі блок.
Цяперашні парламент Даніі прадстаўлены 13 партыямі і для абрання ў яго неабходна пераадолець 2%-ы бар'ер. Па выніках выбараў 2011 года перамогу атрымала левая кааліцыя.
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку16
Каментары