У Беларусь прыйшла спёка, 5—6 ліпеня сіноптыкі прагназуюць па поўдні краіны да +34. У Мінску будзе каля +30. МНС дае рэкамендацыі, як паводзіць сябе ў спёку.
Гарачае надвор'е небяспечнае для чалавека цеплавым пераграваннем і можа прывесці да абязводжвання арганізму, развіццю сонечнага і цеплавога ўдару, абвастрэння сардэчна-сасудзiстых захворванняў.
Старайцеся як мага менш знаходзіцца пад прамымі сонечнымі прамянямі. Калі гэта непазбежна, то абараняйце галаву капялюшамі і парасонамі.
Памятаеце, што з 12.00 да 16.00 сонца найбольш актыўна. У гэты час пажадана абараняць ўсе ўчасткі цела ад трапляння сонечных прамянёў — выкарыстоўвайце закрытую вопратку і сонцаахоўныя крэмы.
Не ўжывайце алкаголь — у спёку яго дзеянне на арганізм шматкроць узмацняецца, плюс арганізм становіцца больш адчувальным да высокай тэмпературы.
Старайцеся ўжываць як мага больш вадкасці.
Не купляйце прадукты з рук — пры высокай тэмпературы бактэрыі размнажаюцца вельмі хутка, што можа прывесці да цяжкіх атручванняў пры няправільным захоўванні прадуктаў.
Не выкарыстоўвайце дэкаратыўную касметыку наогул ці звядзіце яе выкарыстанне да мінімуму: наша скура ў спякоту ўзмоцнена дыхае і пацее, тым самым зніжаючы тэмпературу нашага цела. Такое закаркаванне скуры часам можа прывесці да перагрэву.
Не займайцеся актыўным спортам пры тэмпературы вышэй за 25° С.
Памятаеце, што асаблівай рызыцы ў гарачае надвор'е падвяргаюцца дзеці і пажылыя людзі.
Старайцеся захоўваць эмацыянальны спакой, бо любое пераўзбуджэнне ўзмацняе рызыку ўзнікнення цеплавога або сонечнага ўдару.
Варта па магчымасці абмежаваць працяглыя паездкі на аўтамабілі, калі такой магчымасці няма, будзьце максімальна ўважлівымі на дарозе, бо падчас спёкі можа пагоршыцца самаадчуванне, адбыцца рассейванне ўвагі і зніжэнне рэакцыі.
Адпачываючы ў гарачыя дні ля вадаёма таксама выконвайце правілы бяспекі.
Цяпер чытаюць
Слесар з Оршы бегаў ад войска на радзіме, каб пасля памерці за Пуціна. Перад адпраўкай на забой для яго закацілі дыскатэку з афрыканцамі7
Слесар з Оршы бегаў ад войска на радзіме, каб пасля памерці за Пуціна. Перад адпраўкай на забой для яго закацілі дыскатэку з афрыканцамі
Пасол Украіны па пытаннях Беларусі адказаў на дыскусію Вячоркі і крытыкаў Ціханоўскай: Ваша ўзаемная непрымальнасць адыгрывае вельмі неканструктыўную ролю4747
Каментары