Лукашэнка: Я ад усёй душы хачу павіншаваць вас з нашым старажытным, народным святам Купалле
4 ліпеня Аляксандр Лукашэнка прыняў удзел у свяце «Александрыя збірае сяброў» у аграгарадку Александрыя Шклоўскага раёна. Прэзідэнт наведаў святочныя мерапрыемствы і стаў гледачом мюзікла «Папараць-кветка».
Адкрываючы свята, Лукашэнка падкрэсліў, што беларускі народ беражліва захоўвае жывую фальклорную традыцыю, не забывае свае песні, казкі, звычаі, якія перадаюцца з пакалення ў пакаленне.
«І гэта наша вялікае багацце, - адзначыў ён. - Гэтая традыцыя па-сапраўднаму жыве да таго часу, пакуль ўбірае ў сябе нешта новае з дня сённяшняга. І фестываль у Александрыі з году ў год дэманструе нам, наколькі вялікі патэнцыял традыцыйнай беларускай культуры і шырокія яго магчымасці для творчых пошукаў».
На думку беларускага прэзідэнта, традыцыйнае, народнае, мастацтва «самае дэмакратычнае», паколькі «ў ім ёсць месца кожнаму, хто прыклаў сілы і авалодаў сапраўдным майстэрствам». Лукашэнка лічыць, што «народная творчасць блізка ўсім, таму што яно ідзе заўсёды ад душы, ад самога чалавека».
Першае свята «Александрыя збірае сяброў» адбылося шэсць гадоў таму. «З звычайнага канцэрту мы стварылі творчы форум, на які імкнуцца трапіць не толькі беларускія артысты, але і артысты брацкіх рэспублік. Думаю, калі б мы запрашалі артыстаў далёкага замежжа, яны з задавальненнем прыехалі б сюды да нас у гэта цудоўнае месца», — адзначыў Лукашэнка.
Цяпер чытаюць
Вялікая гутарка з Лесяй Руднік пра сэксізм, мужа-рэслера, заробак доктаркі навук у Швецыі, апазіцыю і памылку Еўрасаюза25
Каментары