Позна ўвечары 23 ліпеня ў Вярхоўным судзе Беларусі на працэсе па справе былога старшыні Белкаапсаюза Сяргея Сідзько, двух былых службовых асобаў Беларускага рэспубліканскага саюза спажывецкіх таварыстваў і некалькіх камерсантаў адбыліся спрэчкі бакоў.
Як паведаміла прэс-сакратар ВС Юлія Ляскава, дзяржаўны абвінаваўца Анатоль Мяцельскі папрасіў суд прысудзіць Сідзько да 12 гадоў пазбаўлення волі са штрафам 500 базавых велічынь, з канфіскацыяй усёй маёмасці, з пазбаўленнем права займаць кіруючыя пасады тэрмінам на пяць гадоў, з адбываннем пакарання ў папраўчай калоніі ва ўмовах ўзмоцненага рэжыму.
Былому кіраўніку Белкаапсаюза было прад'яўленае абвінавачванне ў атрыманні хабараў і злоўжыванні ўладай па ч. 3 арт. 430 і ч. 3 арт. 424 КК. Дзяржабвінаваўца папрасіў суд прызнаць Сідзько вінаватым у здзяйсненні злачынстваў, прадугледжаных ч. 1, 2, 3 арт. 430 КК (неаднаразовае атрыманне хабараў, у тым ліку ў буйным і асабліва буйным памерах) і ч. 2 арт. 424 КК.
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім1414
Каментары