Да «грыпуючых» тэрыторый далучылiся на мiнулым тыднi Орша i Наваполацк, а таксама Жлобiнскi, Чачэрскi, Лепельскi i Лёзьненскi раёны. А выйшлi з эпiдэмii Ашмянскi i Чэрыкаўскi раёны.
Амаль што 76 тысяч выпадкаў захворвання беларусаў на грып i вострыя рэспiраторныя вiрусныя iнфекцыi было зарэгiстравана ў кантрольных гарадах за апошнi тыдзень (з 18 па 24 лютага).
Па стане на 25 лютага эпiдэмiчны парог па‑ранейшаму быў перавышаны ў 10 кантрольных гарадах i на 32 адмiнiстрацыйных тэрыторыях. Да «грыпуючых» тэрыторый далучылiся на мiнулым тыднi Орша i Наваполацк, а таксама Жлобiнскi, Чачэрскi, Лепельскi i Лёзненскi раёны. А выйшлi з эпiдэмii Ашмянскi i Чэрыкаўскi раёны. Па прычыне адсутнасцi больш як 30 працэнтаў навучэнцаў вучэбны працэс зараз спынены ў 37 установах адукацыi (у Баранавiчах, Вiцебску, Мiнскiм, Чэрвеньскiм, Круглянскiм, Пiнскiм, Пастаўскiм i Лепельскiм раёнах).
У сталiцы на мiнулым тыднi назiралася паступовае змяншэнне колькасцi мiнчан, што захварэлi на прастуду — усяго было зарэгiстравана больш як 27 тысяч зваротаў гараджан у медыцынскiя ўстановы, што на 15 працэнтаў менш, чым за папярэднi тыдзень. Аднак эпiдэмiчны парог усё роўна быў у Мiнску перавышаны. Усяго з пачатку эпiдэмiчнага пад’ёму на грып i прастуду ў сталiцы захварэлi 151 тыс. мiнчан, што складае 8,4 працэнта ад агульнай колькасцi насельнiцтва.
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі13
Каментары