Алесь Бяляцкі не бачыць падстаў для скарачэння санкцыйнага спісу Еўрасаюза
Сёння стала вядома, што Рада Еўрапейскага звязу сваім рашэннем ад 31 ліпеня зняла санкцыі з 24 беларускіх чыноўнікаў, датычных да рэпрэсій і пераследу прадстаўнікоў грамадзянскай супольнасці.
Са спісу выкрасленыя прадстаўнікі адміністрацыі прэзідэнта, сілавых міністэрстваў, кіраўнікі навучальных устаноў, суддзі: Сяргей Абламейка, Тамара Алпеева, Алена Ананіч, Мікалай Балаўнеў, Андрэй Бараноўскі, Міхаіл Батура, Алена Чарняк, Жанна Дубініна / Роўда, Вольга Гусакова, Наталля Кузняцова, Алена Лапцева, Леанід Мальцаў, Наталля Меркуль, Генадзь Нявыглас, Генадзь Падгайскі, Уладзімір Палуян, Наталля Пяткевіч, Яўген Полудзень, Юрый Пракопаў, Анатоль Рубінаў, Лідзія Цяліца, Наталля Варэнік, Аляксей Васільеў, Валянціна Зянкевіч.
Каментуючы рашэнне Еўразвязу, праваабаронца-вясновец Алесь Бяляцкі адзначыў, што не бачыць ніякіх відавочных падстаў для скарачэння санкцыйнага спісу Еўразвязу:
«Мяркую, што санкцыі супраць пэўных чыноўнікаў павінны захоўвацца, пакуль не будуць вырашаныя пытанні з парушэннямі правоў чалавека ў Беларусі, за якія яны патрапілі ў чорны спісы. А гэта ў першую чаргу — падзеі 2010 года: жорсткі разгон дэманстрацыі ў Мінску, арышты і наступныя рэпрэсіі ў дачыненні да многіх грамадзян».
У цяперашні час у спіс уключаны каля 200 беларускіх чыноўнікаў. Папярэдні раз чорны спіс ЕС скарачаўся 31 кастрычніка 2014 года: тады з яго таксама былі выключаныя 24 асобы і сем кампаній.
Цяпер чытаюць
20‑гадовую дзяўчыну з аграгарадка Макраны на мяжы з Украінай асудзілі за Гаюна5
20‑гадовую дзяўчыну з аграгарадка Макраны на мяжы з Украінай асудзілі за Гаюна
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі1818
Каментары