Выхадцы з Чачні і Кыргызстана спрабавалі нелегальна пераправіць в'етнамцаў ў ЕС праз Беларусь
Спынена дзейнасць міжнароднай злачыннай групы, якая займаецца незаконным перамяшчэннем грамадзян В'етнама з Расіі ў краіны Еўрапейскага саюза транзітам праз Беларусь.
Аб гэтым паведамілі ў Дзяржаўным пагранічным камітэце Беларусі.
У склад групы ўвахозілі два расіяніны 1983 і 1994 гадоў нараджэння — выхадцы з Чачні, а таксама чатыры грамадзяніны Кыргызстана 1980, 1988, 1990 гадоў нараджэння.
30—31 ліпеня яны арганізавалі незаконны ўезд у Беларусь з Расіі дзесяці грамадзян В'етнама, а таксама іх транспарціроўку па тэрыторыі краіны для далейшага перамяшчэння праз участак беларуска-літоўскай граніцы.
«Затрыманыя дастаўлены ў Смаргонскую пагранічную групу. Праводзяцца далейшыя мерапрыемствы для прыцягнення грамадзян Расіі і Кыргызстана да крымінальнай адказнасці ў адпаведнасці з беларускім заканадаўствам», — паведамілі ў ведамстве.
Цяпер чытаюць
Хто такі Мацвей Бяляй, якога нібыта дэпартавалі ў Беларусь? Расказваем гісторыю дзіўнага актывіста з падазроным мінулым2
Каментары